Казан шәһәре Совет районы мөхтәсибәтенең Рауза мәчете хәзрәте Ильшат Насыбуллин “Казан Экспо” халыкара күргәзмәләр үзәгендә оештырылган Татарстаннан чираттагы мобилизацияләнгән ир-атларны озатуда катнашты.
Әлеге чараларда хәзрәт солдатларга хәрби-кыр шартларында мобилизация һәм гыйбадәт кылу мәсьәләләре буенча дини консультацияләр алып бара, мобилизацияләнгән солдатларны җыю пунктларында гыйбадәт кылу бүлмәләрендә алар белән бергәләп җәмәгать намазын укый. Исегезгә төшерәбез, Мөфти Камил хәзрәт Сәмигуллин октябрьдә узган Татарстан мөфтияте бинасында Диния нәзарәте Пленумы утырышында махсус хәрби операциягә мобилизацияләнгән мөселманнарга нәзарәт тарафыннан ярдәм итү юллары хакында сөйләгән иде һәм мөхтәсибәтләрне әлеге эшчәнлеккә кушылырга чакырды.
