20 декабрь көнне, Рауза мәчете мөгаллимнәре Мәхмүтова Чулпан Наил кызы, Гайнетдинова Гөлия Әмир кызы һәм Алиулова Роза Әзһәр кызы Үзәкләштерелгән дини оешма – Татарстан Республикасы мөселманнарының Диния нәзарәте комиссиясе утырышында аттестация узды.
Аттестация Рөстәм хәзрәт Вәлиуллин рәислегендә үтте. Рауза мәчете мөгаллимнәре язма җаваплар һәм әңгәмә формасында оештырылган имтиханнарны уңышлы үтте һәм дингә, дини тәрбиягә өйрәтүгә Татарстан Республикасы мөселманнарының Диния нәзарәте тарафыннан рөхсәт алды.
Рауза мәчете мөгаллимнәрен ихлас күңелдән уңышлы үтелгән аттестация белән тәбриклибез!
Аллаһ Тәгалә укытучыларга файдалы эшләрендә җиңеллек, сабырлык, түземлек бирсен. Гыйлем таратучыларга Үзенең рәхмәтен, ризалыгын насыйп итсен. Әмин.
